Hatorangan Jamita 13 Februari 2011

Ev. Markus 1:9-15 Ep. Roma 1:14-17 S. Patik. Ul. Ap. 16:31

Patujolo

Laho mangulahon sada ulaon, tontu sahali ingkon adong do perencanaan na denggan. isarana: mambangun jabu. Parjolo do gambarni jabu nanaeng sibangunon i, mangihut ma perhitungan bahan na ringkot tu si, baru ma proses pembangunan di mulai. Ndang boi gabe parjolo hita mangetong bahan padahal ndang taboto do pe songon dia bentuk jabu sibangunonta. Lapatanna adong proses siihuthonon asa denggan angka ulaonta. Marhite na taulahon proses i, dapotan ma hita dasar na togu laho mangulahon ulaonta. Sebalikna, molo ndang taulahon proses i dohot denggan, olo do gabe manegai ulaonta. Ndang tabahen gambar, alai pintor langsung bahan ta tuhor, gabe olo do hurang manang lobi bahan tatuhor i.
Pardalanan panghobasion ni Jesus saleleng di portibi on pe nunga dibagasan perencanaan na denggan sian mulana i. Mulai na tubu Jesus, tardidi, diunjuni, dungi mamillit angka siseanNa, baru ma diulahon Ibana parsuruon ni Ama i di portibi on. Mangihuthon proses i, parjolo sahali Jesus pasahathon diriNa asa digohi jala dirajai Tondi i, asa margogo mangalo angka pangunjunan na ro tu Ibana, jala mampu mandalanhon panghobasion i.

Situasi ni Surat

Jamita di minggu on merupakan sada rangkaian na tarbagi di bagasan 3 judul, i ma: Tardidi Tuhan Jesus (9-11); Tarunjun Ibana (12-13); panghabasionna na parjolo di Galilea (14-15). Tolu judul on, molo tabandinghon tu caerita na sarupa na disurathon Matius, Lukas dohot Johanes, sangat jempek. Ndang pola dipaboahon proses ni pandidion na dilehon Johanes Pandidi tu Jesus (patud. Mat. 3:13-17; Luk. 3:21-22; Joh. 1:31-34). Ndang dicaritahon secara lebih jelas, boha do cara ni si bolis i mangunjuni Jesus (patud. Mat. 4:1-11; Luk. 4:1-13). Songoni do nang panghobasion na parjolo i. Sian on tabereng bahwa adong perbedaan ni si Markus (namanurathon buku on) tu angka panurat Injil na asing.
Ise do na gabe tujuan ni surat ni Markus on? Menurut hatorangan ni para ahli, buku on disurathon di huta Rom sekitar tahun 50-60 Masehi, ra merupakan injil na tumua sian na tolu i. Sian dia do dapot ni ibana angka informasi taringot tu Jesus? Sian 3 Apostel di Padan Naimbaru: Paulus (Kis 13:1-13; Kol 4:10; File 1:24), Barnabas (Kis 15:39) dohot Petrus (1Pet 5:13).
Ibana tinggal di huta Rom. Situasi ni halak na porsea tu Jesus berada dibagasan situasi mengalami sada tekanan dohot penyiksaan sian kaisar Nero na gabe panggomgomi ni Roma di hatiha i. Godang halak na mate alani kekejaman ni kaisar i. Panurat Markus on, marhite surat na on naeng patoguhon haporseaon nasida na dibagasan pangosagosan, asa marsihohot nasida di Jesus Kristus. Hasatiaon nasida tu Tuhan Jesus Kristus unang gabe moru. Jadi boi tabayangkon, situasi ni panurat on dohot halak Kristen na adong di huta Rom dalam situasi na tertekan dohot na diburuburu tentara Romawi. Sehingga si Markus on, holan na manurathon garis-garis besar barita taringot tu Jesus dengan tujuan laho mangapuli dohot pahothon haporseaon ni halak Kristen di tingki i.

Hatorangan ni Teks

9-11: Marhite pandidion na dijalo Jesus sian Johanes Pandidi, 3 hal na naeng dohonon ni si Markus. Parjolo, Jesus mangalehon dirina di didi asa manggohi parsuru ni Ama i. Na paduahon, sebagai sada tanda na papatarhon hadirionNa tu hita jolma taringot tu haDebataonNa. Na patoluhon, sebagai tanda ia Jesus nunga rade be laho memulai panghobasionNa di tonga-tonga ni portibi on. Adong do tanda na mandongani pandidion ni jesus. Darapati, melambangkan kedamaian, ia Mesias naung tardidi i mamboan dame di hita. Suara ni Ama i na manjou Jesus, gabe sada tanda na manghatindanghon Jesus anak ni Debata.

12-13: Dung tardidi Ibana, di togihon Tondi i do Jesus tu halongonan. Halongonan digombarhon si Markus sebagai inganan ni sibolis, rap dohot angka binatang liar. Di halongonan, diunjuni sibolis do Jesus. Marpuasa Ibana 40 ari 40 borngin, ndang mangan ndang minum. Di surat Injil na asing, dicaritahon sampe 3 hali Jesus diunjuni. Alai nang pe dibagasan hagaleon ni dagingna, di naso mangan dohot minum i, margogo do Jesus laho manaluhon pangunjunan i, ai nunga di gohi Tondi i Ibana, jala Tondi i ma na mangarajai Ibana. Andorang so masuk Ibana tu ulaon panghobasion i, Jesus parjolo sahali diarahon asa manaluhon huaso ni si bolis patuduhon huaso ni Debata mangatasi angka huaso ni si bolis.

14-15: Ala nunga tardidi Jesus, jala magogo manaluhon huaso ni sibolis nanaeng mangago Ibana, nunga jumpang be tingki ni Jesus. Ditambah muse sada peristiwa na terjadi di tingki, ia si Johannes Pandidi nunga ditangkup si Herode jala dihurunghon. Sebagai “perintis”, nunga sidung ulaonna jala Jesus ma na marulaon. Parjolo sahali Jesus memulai ulaonna jala udutna mamillit angka siseanNa, dimulai di luat Galilea. Di son ma Ibana mamulai Jamitana tu pangisi ni luat i, asa paubahon roha ai nunga songgop harajaon ni Debata di nasida.

Pokok-pokok Sijamitahonon

1. Pandidion di hita gabe sada tanda dohot meterai na patuduhon hita sebagai halak na porsea di Tuhan Jesus Kristus. Rap dohot angka ianokkonta, nunga di cap hita sebagai milik ni Kristus (1 Kor. 7:14). Marhite pandidion, nunga gabe Anak ni Debata hita jala gabe warga Harajaon ni Debata, dung parjolo hita dipaias sian angka dosa. Alai naumringkot antusanta, bahwa di pandidion i do hita saluhutna manjalo Tondi ni Debata mian dibagasan hita. Tondi ni Debata i do na manogu, mandongani, manguluhon pardalanan ni ngolunta di hasiangan on. Tondi i ma na mangarajai roha, pikkiran dohot pambahenanta. Asa parsidohot hita gabe sipujion ni Debata, sebagai anak haholonganNa.
2. Halak naung manjalo Tondi ni Debata mian dibagasan dirina, tarida do i sian haoloonna mangulahon hata ni Debata, tarlumobi ma na olo mangalo pangunjunan na ro sian sibolis. Tahi ni sibolis i ma padaohon hita sian Debata. Dipatupa ma ragam usaha na mamboan hita masuk tu pangunjunan. Alai molo halak naung manjalo Tondi ni Debata, na so tolap si bolis i laho mangago ibana. Ndang diihuthon tahi ni sibolis, manang songon dia parsorion na masa di ngoluna. Songon Jesus na so mangan dohot na so minum, dihalongonan i, alai margogo do Ibana ala naung mian di bagasan Ibana Tondi i.
3. Halak naung manjalo Tondi ni Debata, ndang holan tarida di pangalahona na olo manundalhon dosa, tarlumobi ma na olo mamaritahon tu halak barita haluaon, asa marhamubaon. Tondi ni Debata i dilehon tu hita asa bagihononta tu donganta humaliang. Dos tu halak na lomba lari estafet. Sian sada pelari tu pelari na asing, adong do pertukaran tongkat estafet. Sian Johannes Pandidi tu Jesus Kritus. Sian na mamungka dalan sahat tu na ro Mesias i. Naeng ma barita hamubaon ni roha i ndang so di kalangan na matua, alai ditorushon tu angka naumposo asa tongtong marsaringar hata ni Debata di portibi on. Tondi ni Debata i ndang gabe holan mian dibagasan gereja, alai tabagihon tu sude halak naporsea.
4. Hamubaon ni roha, gabe tema ni angka Injil na dipasahat tu hita. Pesan na sederhana alai tung maol do hita mangulahon. Ra, maol taulahon ala na so porsea i do hita di Barita Nauli i. Apalagi di jaman saonari on, di partingkian na mamboan godang perobahan. Jotjot do perobahan i mangarahon hita gabe dao sian Debata. Pesan asa marhamubaon, gabe sada barita na porlu tapasahat tu humaliangta, tarlumobi di naung songgop harajaon ni Debata ditongatonganta. Naeng marhamubaon ma hita sian haporseaonta tu barita nauli.